Blog
2017-08-29 - 來到今天
來到今天，一切都好似暴風雨過後一樣平靜。
這一個她
當前排事情冷淡過來後，回憶好像被美化了，然後我開始有動搖猶豫。
其實生日她都有SEND MSG 俾我，仲要係第一個，過完生日亦有問我過成點。
係我完全無覆。
係前排心復同我講，她可能因為這大事有改變，又或佢都心淡，知道冇可能再一齊。
點都等佢知個答案，睇下佢點，所以我先回她信息。
然後她問隔左咁耐，答案有冇變，有冇諗過佢，
點解唔可以俾次機佢，重頭開始，唔可以再信佢一次。
我跟媽說，我好似有人格分裂咁，一方面唔想諗起關於她的一切，一方面不斷提自己曾如何被對代。
朋友又同我傾，說如果我要回去，他們怎麼都一定支持!!!!!!
我說我回不了，上一次回去，我放下舊事，以為她已成長成熟了，可終身，值得愛，可斯守，付出一切都是值得的。
可是事與願違，這次我不再回去，我不想回到舊地作從前的我，也不覺得她會有任何改變，更很難再面對她的屋企人。
回去，再有意思嗎? 門鎖都換了，我有向她提及過，一點也是沒有回答。
回去，定還是就是為著我想成家立室有小朋友的想法嗎?
講真，我真係唔知我等乜野點解仲未行動去攪離婚，
但我真心覺得，如果我這一個老公係對你咁重要，冇左唔得，你唔會咁樣去所謂的挽留!!!!!!
我唔係要好似D女咁又送野，又跪又西。
我只係想要一d實際d 既証明，我可以回去，一點都沒有，都感覺不到。
來到今天，都還是講架車，要點處理。
這段期間，我教波前好努力去gym，但晚上卻每天半醉人間。
完全天同地既分別，我feel 到自己攰到一個地步，已經唔係訓教可以回復。
亦好似人格分裂咁.......
今日去打比賽，好老，好慢，無氣無力，都是某些事情導致的。
來到今天，一切都好似暴風雨過後一樣平靜，
係時候要好好重整自己，重新出發。