Touch me if you can

等左成年，終於可以再出發滑雪！！！
係超爆開心！！
好多謝Roger 帶領，上年由零開始。
我諗搵唔到一個暖男比佢更細心安排好所有野，再加鉅細無遺既清晰指示。好感恩有佢😚😚
今年繼續一條友搭凌晨機，未去過日本，唔識日文，
跟足指示，都可以去到目的地，係勁既！！

仲有一班一齊瘋狂喪滑雪既團友
每日都係食滑食滑食~~~~
每日都攰到hihi，第二日再黎過👍👍

今年滑得再叻左，動作好左，快左，
仲開始跳，玩跳台同偷師到一招半式
真係估唔到咁好收穫！！！

我真係好鐘意滑雪，
因為你要學習係失平衡之中平衡，
學習跌倒之後再起返身，再接再勵，
仲要去到一定速度，先做到某d 控制。
同揸電單車一樣，除左速度，就係要控制自己成個人。

我都覺得點解無一早接觸到
有d 野係等價交換的，時辰未到，唔係你就唔係你。

係滑雪期間，要高度集中，因為真係會仆到好x痛
個腦可以放空唔諗野，加上體力既極消耗，
d 景靚到痴線，一片白茫茫，
所以每次滑雪，我都覺得好放鬆，好滿足，
真正既休息放假。