2021 完結
其實都算係咁，係咁既時勢環境，仍然過得到，算係不過不失。
遇到很多的好人好事。
- 終於把2級的教練實習完成，
- 12月開始上返SAXOPHONE堂
- 上完面骨，結構整全，開始係診所度做，叫做有D寄託
有人肯俾機會收留，已經係好值得感恩的事。
曾經都算係好積極正面咁過活，但都係依舊持續不了，
- 試過放開愛一次，拍下拖，不到3個月又係爛尾，說了很多直話，又傷了人。
感情，伴侶這回事，是我太貪心，還是太執著，抑或說散就散。
另外還有情緒這回事，很難處理，很困擾，入夜就出現。
責怪過自己很多次，為何處理不到，我沒有什麼放不低。
定係我太空閒嗎，為何不好好放過自己生存生活。
我仍覺得做人冇乜意義，冇乜意思，覺得自己好廢。
你可以話我冇目標方向俾自己，
BARBABRABARBA 一大堆道理。我就係覺得做人好攰!!!!!!!!
老實講，我唔想見人囉!!!!!
2022-01-22
新一年，開始都未夠一個月，都未立春，又爆疫情，又一切停頓，
好似又再一次輪迴。
是的，我有很多野想，去做好，去鞭策自己。
我想有個完整既家，所以結婚，所以好想結婚生仔，似返個男人!!!!
我想每日都做運動，練大隻，我想唔再飲酒，我想吹Saxophone 可以吹到自己好滿意
我想奇門，靈氣，顱脊都爐火純青，可以幫到人。
我想腰背胸心唔好再痛。
我想我可以好似個細路咁攬住個人，俾點溫暖，俾點支持。
我想有好多我想而做到逹到實現到。
但係其實一切都唔係，因為阿sir話唔好有我執，
所以什麼都不是，什麼都冇所謂。
如果唯一我想，我想父母，身邊所有人身體健康幸福快樂就可。
如果有天，人要走，記得要放下，毋須擔心，毋用傷心，
每個人都係一個過客，同枱食飯，
這也只是人生一個過程，時間會帶走一切，到時有機會再證實我知。
